O voceiro do PSOE amiense fixo hoxe balance do que deu de si o último pleno en 2013. José Miñones explicou en Radio Obradoiro que a sensación tralo pleno foi "agridoce" xa que, malia o positivo de que seis das tece obras do POS amiense foron propostas polos socialistas, o pleno foi "un resumo do que foi o último ano de goberno". Segundo dixo, estes últimos 365 días estiveron marcados pola "incompetencia" e "desgoberno" do rexedor. "Amor estivo ausente estes últimos meses como alcalde de Ames", dixo. De cara a este recén estreado 2014, Miñones pediu que o goberno local se abra por fin ao diálogo. 

Síguenos en twitter e facebook