99.6 y 89.9 Santiago · 310 R-Cable · 21 TDT
Lunes, 29 de Noviembre de 2021
Noticia 1 de 1 Portada

"O Ano Rosaliano tivo un impacto extraordinario na sociedade"

Anxo Angueira, presidente da Fundación Rosalía, fixo balance do 150 aniversario de 'Cantares gallegos' // A celebración pechouse onte cun concerto de aCadaCanto // O escritor explicou que xa está en marcha unha campaña de financiamento para poder realizar en 2014 a nova musealización da Casa-Museo da Matanza

Radio Obradoiro

Radio Obradoiro

Entrevista

Anxo Angueira, pte. da Fundación Rosalía


SANTIAGO. RO  | 31.12.2013 
A- A+

Sangiao
Anxo Angueira
FOTO: Sangiao

Un concerto de aCadaCanto, co seu disco 'A Rosa d'Adina', serviu para pechar oficialmente, na Casa- Museo de Rosalía, o 150 aniversario de 'Cantares gallegos'. O presidente da Fundación Rosalía explicou en Radio Obradoiro que o acto foi "emocionante" no que se "xuntaron sensacións de todo un ano".

Segundo dixo, o balance é "altamente positivo" xa que o ano rosaliano tivo un "impacto extraordinario na sociedade". "Editáronse libros, discos, fixéronse congresos, exposicións... Houbo centos de actividades que chegaron a todo o poco, en centros escolares, centros sociais, os poetas recreáronse nos versos de 'Cantares gallegos, a xente do mar homenaxeou a Rosalía... Foi todo tremendamente positivo".

Angueira destacou que hai dúas semanas reabriuse a Casa-Museo de Rosalía, en Padrón, despois de que durante dous meses se acometeran obras de acondicionamento no interior e exterior do inmoble. 

De cara a 2014, o escritor sinalou como principal proxecto a levar a cabo a segunda parte dos traballos, a nova musealización. "Gustaríanos modernizar os contidos do museo, contar con proxeccións audiovisuais para contar a vida e a obra de Rosalía e con elementos que nos permitan estar á altura dos tempos". Co obxectivo de conseguir financiamento, a Fundación puxo en marcha hai máis dun mes unha campaña que busca o apoio de entidades privadas. "Tentamos implicar a institucións pero tamén a empresas galegas, tamén de ámbito local. Son tempos difíciles pero penso que Rosalía é un alimento, é algo que nos nutre e que necesitamos para camiñar". 

Síguenos en twitter e facebook 

Grupo Correo Gallego
Ante cualquier duda, problema o comentario en las páginas de Radio Obradoiro envíe un e-mail a info@radioobradoiro.com Titularidad y política de privacidad. Política de Cookies