99.6 y 89.9 Santiago · 310 R-Cable · 21 TDT
Viernes, 21 de Enero de 2022
Noticia 1 de 1 Portada

EN RADIO OBRADOIRO

"A fotografía permítenos viaxar no tempo dunha maneira única"

As fotos máis antigas de Santiago pódense visitar nunha mostra que se inauguraba onte no Café Casino // O seu comisario, Henrique Alvarellos, explicou que o autor das instantáneas foi o fotógrafo compostelán Andrés Cisneros, "un dos pioneiros da fotografía en España"

Radio Obradoiro

Radio Obradoiro

Entrevista

Henrique Alvarellos, comisario de 'As fotos máis antigas de Galicia'

SANTIAGO. RO/ CDS  | 03.09.2014 
A- A+

Fernando Blanco
Henrique Alvarellos, el conselleiro Xesús Vázquez y el alcalde Agustín Hernández
FOTO: Fernando Blanco

Onte foi inaugurada no Café Casino a mostra "As fotos máis antigas de Galicia", producida pola Editorial Alvarellos e que recolle vinte instantáneas tomadas no 1858 na cidade de Compostela. A exposición percorrerá os centros de Fontiñas, A Rocha, o Ensanche e Conxo.

O comisario da mostra, Henrique Alvarellos, explicou en Radio Obradoiro que as imaxes da exposición datan de 1858. O seu autor foi o artista local, natural do barrio de Sar, Andrés Marcelino Cisneros Pereiro, un "compostelán moi esquecido, pero que foi un ilustre pioneiro da fotografía en España". 

Alvarellos salientou a calidade das instantáneas que ofrecen distintas panorámicas de monumentos e espazos da cidade: dende a famosa vista da Catedral dende a Alameda, que neste caso é a primeira imaxe obtida desde este punto, hoxe tan fotografado; unha praza do Obradoiro co chan de terra, a Exposición Rexional Galega montada en San Martiño Pinario, ata o antigo e desaparecido " Paseo de París", na Alameda fronte á igrexa do Pilar (hoxe avenida Xoán Carlos I), entre outros espazos. As fotografías proceden de distintos arquivos públicos e coleccións privadas que Alvarellos Editora decidiu sacar á luz. "A fotografía permítenos viaxar no tempo dunha maneira única", explicou Alvarellos.

Síguenos en twitter e facebook 

 

 

Grupo Correo Gallego
Ante cualquier duda, problema o comentario en las páginas de Radio Obradoiro envíe un e-mail a info@radioobradoiro.com Titularidad y política de privacidad. Política de Cookies