99.6 y 89.9 Santiago · 310 R-Cable · 21 TDT
Jueves, 22 de Febrero de 2024
Noticia 1 de 1 Portada

"Na USC seguimos defendendo que alomenos o 50% do reparto do financiamento estea vinculado ós resultados"

O vicerreitor de Comunicación e Coordinación da USC valorou en Radio Obradoiro "o esforzo da Xunta" á hora de aumentar a partida destinada ás universidades galegas // Xosé Pereira insistiu en que "polo que temos que preocuparnos agora é pola eficiencia e a calidade"

Radio Obradoiro

Radio Obradoiro

Entrevista

Xosé Pereira, vicerreitor de Comunicación e Coordinación da USC

SANTIAGO. RO  | 17.07.2015 
A- A+

A Universidade de Santiago "valora o esforzo da administración autonómica" no novo plan de financiamento das universidades galegas, que medra na súa aportación un 17,3% para o periodo 2016-2020. Nunha entrevista este venres en Radio Obradoiro, o vicerreitor de Comunicación e Coordinación da USC incidía en que "todo o que signifique un aumento é unha boa noticia". Ten claro Xosé Pereira que "cada euro que a sociedade inviste na universidade ten que ter unha explicación clara". Ó seu xuízo, "polo que temos que preocuparnos agora é pola eficiencia e a calidade". Insiste en que para a institución académica compostelá un bo reparto dos fondos sería a aquel que estivera "fundamentado nos resultados". No novo plan, estes teñen un peso do 33%. Pereira recoñecía que "nós aspirabamos a un 50% e incluso máis". Pide o vicerreitor que unha vez se supere a crise económica, se tomen medidas para que a universidade non se volva ver nunha situación como a que está a padecer. 

Síguenos en twitter e facebook 

Grupo Correo Gallego
Ante cualquier duda, problema o comentario en las páginas de Radio Obradoiro envíe un e-mail a info@radioobradoiro.com Titularidad y política de privacidad. Política de Cookies