102.1 Santiago · 310 R-Cable · 21 TDT
Lunes, 27 de Junio de 2016
Noticia 1 de 1 Portada

"No caso de Amio, Currás solucionou un problema que el mesmo creara"

O portavoz da Plataforma Cidadá de Apoio á Feira de Amio valora en Radio Obradoiro a entrevista do alcalde cos tratantes de gando, malia que recoñece que "nos gustaría que algún día nos recibira a nós" // A respecto da proposta do executivo de trasladar a feira ós luns, Manuel Da Cal di que "deberían pensar as cousas un pouco mellor"

Radio Obradoiro

Radio Obradoiro

Entrevista

Manuel Da Cal, Plataforma de apoio a Amio


SANTIAGO. RO  | 15.06.2012 
A- A+

FRUGA
Manuel Da Cal
FOTO: FRUGA

A feira de gando de Santiago seguirá celebrándose en Amio, os mércores, e, en caso de que unha semana se precise o recinto para outra actividade, podería trasladarse a outro lugar ou suspenderse. Esas son as principais conclusións da entrevista que este xoves mantiña o alcalde, Ángel Currás, cos representantes dos tratantes de gando, logo da polémica xurdida polo posible traslado do mercado a Silleda.

Unha xuntanza da que falaba este venres en Radio Obradoiro o portavoz da Plataforma Cidadá de Apoio á Feira de Amio. Segundo Manuel Da Cal, o ocorrido onte "é un paso que se tiña que dar, despois de que o mercado de gando fora cuestionado polo goberno local. Supuxo dar marcha atrás, e rectificar e solucionar un problema que o alcalde creara".

Sobre a proposta que lle trasladou Currás ós gandeiros a respecto de cambiar a data da feira do mércores para o luns, Manuel Da Cal sinalou que "non as pensan". Ó seu xuízo, esta modificación causaría problemas "para o normal desenvolvemento da feira. Se hai unha actividade en Amio ata o domingo, non habería tempo material para ter listo o recinto ás tres da mañá para a entrada do gando. Deberían pensar as cousas un pouco mellor".

Malia que ve positivo o encontro de onte, Da Cal recoñece que "nos gustaría que algún día o alcalde recibira á plataforma". Segundo dixo, "os problemas co mercado de gando sempre xurdiron por parte do goberno municipal e sen saber por que. Non hai unidade de criterios por parte do executivo". 

Grupo Correo Gallego
Ante cualquier duda, problema o comentario en las páginas de Radio Obradoiro envíe un e-mail a info@radioobradoiro.com Titularidad y política de privacidad. Política de Cookies