102.1 Santiago  |  100.7 A Coruña-Ferrol  |  107.5 Xallas - Santa Comba  FM  ·  310 R-Cable  ·  21 TDT

Miércoles, 03 de Septiembre de 2014

Noticia 1 de 1 Portada

Rubén Cela estivo en Radio Obradoiro

"A nova regulación da ORA no casco vello suporá problemas para os comerciantes"

O portavoz do BNG en Santiago ve preciso habilitar aparcadoiros municipais en lugares onde haxa demanda // Disposto a dialogar sobre a ordenanza de ocupación da vía pública, sinala que agora mesmo está "nas antípodas do que nos poderiamos aprobar" // Cualifica de malos os últimos datos do paro, malia o descenso en 203 do número de desempregados en Compostela

Rubén Cela - FOTO: RO
Rubén Cela - FOTO: RO

Radio Obradoiro

Radio Obradoiro

Entrevista

Rubén Cela, portavoz do BNG en Santiago


SANTIAGO. RO  | 06.06.2012 
A- A+

O portavoz do BNG en Santiago visitou este mércores os estudos de Radio Obradoiro.  Rubén Cela referiuse á nova publicada por El Correo Gallego, segundo a cal o goberno municipal vai modificar a regulación da ORA no contorno da Praza de Abastos. O tempo de estacionamento máximo será de 60 minutos, e non se poderá aparcar o coche na mesma zona durante máis tempo, incluso se o cambiamos de lugar.

Segundo Rubén Cela, "estamos ante un tema complicado, e non vou facer demagoxia con el. Aínda que a intencionalidade é mellorar a rotación de vehículos, preocúpame que haxa usuarios que ante esa limitación nin sequera intenten estacionar na rúa, e vaian directamente ós parquins privados. Ademais, tratándose dunha zona tan sensible, penso que lle podería xerar problemas ós propios comerciantes". Para o concelleiro nacionalista, sería preciso que Raxoi habilitara aparcadoiros "en lugares nos que realmente se precisen, e non en sitios onde non hai demanda".

Por outra banda, Cela volveu falar da ordenanza de ocupación da vía pública, en contra da que votou o seu grupo no pleno da semana pasada. Aínda que se mostrou disposto a dialogar, sinalou que o apoio do BNG "requeriría un cambio de fondo. Os problemas que lle vemos non son formais nin se refiren a aspectos puntuais". Na súa opinión, a ordenanza, tal e como está, "afecta a principios como a liberdade de expresión. Temos a impresión de que hai unha regulación para dificultar que determinados colectivos sociais se expresen". A día de hoxe, engadiu, a ordenanza "está nas antípodas do que nos poderiamos aprobar".

O concelleiro nacionalista tamén analizou os datos do paro relativos a maio, que se coñecían este martes e que reflicten que durante ese mes encontraron traballo en Galicia 1.036 persoas, 203 delas en Compostela. O descenso na comunidade é do 0,37 por cento, fronte ó 0,63 por cento da media estatal. Para Cela, "os datos son malos. Se lles quitamos a variable da estacionalidade, o desemprego sigue subindo en Santiago. É certo que diminuiu en maio en 203 persoas, pero é unha caída inferior a do mesmo mes de anos anteriores". A situación, sinalou, "non é sostible no tempo se non se cambian moitas cousas". Cela sostén que o goberno local pode facer máis do que fai para mellorar a situación, e confía en que os presupostos municipais de 2012 "teñan en conta que só con políticas de recortes non se crea un só posto de traballo".

Escribe tu comentario

Para escribir tus comentarios en las noticias, necesitas ser usuario registrado. Si no lo eres regístrate ahora

1000 Caracteres disponibles

www.radioobradoiro.com no se hace responsable de las opiniones de los lectores y eliminará los comentarios considerados ofensivos o que vulneren la legalidad.

Ante cualquier duda, problema o comentario
en las páginas de Radio Obradoiro envíe un
e-mail a info@radioobradoiro.com. Titularidad
y política de privacidad
. Política de Cookies