99.6 y 89.9 Santiago · 310 R-Cable · 21 TDT
Martes, 23 de Julio de 2019
Portada

este martes

Poesía e música clausuran a exposición ‘O unicornio e o seu mundo’

Será ás 20.00 horas na Igrexa da Universidade

USC  | 04.02.2013 
A- A+

A exposición de pintura ‘O unicornio e o seu mundo’ de Nicolás González Aller despídese este martes 5 da Igrexa Universitaria cun acto poético-musical que conducirá a partir das 20.00 horas Xabier Castro Martínez.

O Grupo de música tradicional do AGADIC será o encargado de amenizar o acto, mentres que o recital poético virá da man de Marilar Aleixandre, Baldo Ramos, Domingo Tabuyo e Luís González Tosar.

Intervirán ademais o reitor da Universidade de Santiago, Juan Casares Long, o propio Nicolás González, o poeta Celso Fernández Sanmartín e o comisario da mostra, Miguel Santalices. O peche corresponderalle ao conselleiro de Cultura, Educación e Ordenación Universitaria, Jesús Vázquez Abad.

As persoas que dende o pasado 20 de decembro se achegaron a este espazo universitario tiveron a oportunidade de viaxar aos mundos fantásticos e de ensoñación que interpreta o pintor lalinense na procura do unicornio.

Grupo Correo Gallego
Ante cualquier duda, problema o comentario en las páginas de Radio Obradoiro envíe un e-mail a info@radioobradoiro.com Titularidad y política de privacidad. Política de Cookies