99.6 y 89.9 Santiago · 310 R-Cable · 21 TDT
Viernes, 01 de Julio de 2022
Noticia 1 de 1 Portada

PORTO DO SON

"Recuperar o Castro de Baroña foi o obxectivo número 1 dende que entramos no concello"

O rexedor sonense agradece a nova achega da Deputación da Coruña, se ben recoñece que non vai ser suficiente para rematar o proxecto // Polo momento lévanse investidos máis de 160.000 euros // Os seguintes pasos, segundo Luis Oujo, serán "consolidar a muralla que entrando no castro á dereita, e facer un acceso para os minusválidos"

Radio Obradoiro

Radio Obradoiro

Entrevista

Luis Oujo, alcalde de Porto do Son


SANTIAGO. RO  | 03.06.2013 
A- A+

Para o executivo de Luis Oujo recuperar o Castro de Baroña "foi o noso obxectivo número 1 dende que entramos no concello". Lembraba este luns, nunha entrevista en Radio Obradoiro, que estamos a falar "dunha xoia que estaba moi descoidada e que precisaba dunha invervención".

Polo momento levan investidos, entre concello, Xunta e Deputación, "máis de 160.000 euros, empregados en darlle un sentido ó propio Castro de Baroña, consolidar os muros e a entrada, restaurar o foxo, delimitar o camiño de paso para os visitantes e consolidar as propias casas". A institución provincial confirmaba hai uns días unha nova achega de 30.000 euros, que permitirá seguir adiante co plan de conservación arqueolóxica, se ben "fará falla máis investimento para rematalo".

O máis inmediato, explicaba Oujo, será "consolidar a muralla que hai entrando no castro á dereita, e facer un acceso para os minusválidos". Ó mesmo tempo, o executivo local segue traballando para evitar os actos vandálicos que se suceden cada verán.

Síguenos en twitter e facebook  

Grupo Correo Gallego
Ante cualquier duda, problema o comentario en las páginas de Radio Obradoiro envíe un e-mail a info@radioobradoiro.com Titularidad y política de privacidad. Política de Cookies