Viernes, 18 de Mayo de 2012
 |
| Albino Vázquez Aldrey, nunha visita recente a Radio Obradoiro FOTO: RO |
Este venres, o magacín matutino de Radio Obradoiro, Caixón de sastre, tivo entre os seus convidados ó concelleiro de Tráfico e Mobilidade. Albino Vázquez Aldrey foi preguntado, entre outros asuntos, pola reorganización do servizo de autobuses que entrará en vigor o 6 de febreiro. Os traballadores xa expresaron o seu temor a que estes cambios puideran agochar varios despedimentos. Un extremo que desmentiu Vázquez Aldrey.
O concelleiro quixo deixar claro que "a reestructuración está absolutamente dentro do contrato asinado no seu día con Tralusa, a empresa concesionaria". Por este motivo, engadiu que esas modificacións "non conlevan ningún cambio na plantilla de Tralusa, que só sería atribuíble a unha decisión da propia empresa e non ó concello". En opinión de Vázquez Aldrey, esta reestructuración pretende "axustar a oferta á demanda dos cidadáns. Queremos que satisfaga as súas relacións de mobilidade dentro do concello".
Por outra banda, o edil xustificou a incorporación ó plantel do concello de cinco habilitados estatais máis. Di que o único que busca o executivo de Gerardo Conde Roa "é procurar que a organización interna do concello sexa máis eficaz e máis axil". Como exemplo, sinalou que no su departamento a persoa que agora exercerá coma xerente de área, "conseguiu aforrar 131.000 euros en catro meses". Considera "un pouco inexplicable" que os sindicatos con representanción en Raxoi non entendan estes nomeamentos: "eles saberán o que fan e por que".
A respecto do xuízo polo caso Montebalsa, no que este xoves declarou con Ángel Espadas por ter participado na reunión na que foi adxudicada a polémica cuberta do Colexio Quiroga Palacios, Vázquez Aldrey sinalou que non cre "que todo obedeza a un despiste". Na súa opinión, "hai unha responsabilidade política que ninguén quere asumir, motivo polo que o proceso quedará incompleto".
