Miércoles, 19 de Junio de 2013
O xuíz que leva a causa pola subtracción da Catedral de Santiago del Códice Calixtino, José Antonio Vázquez Taín, admitiu que "unha das hipóteses posibles" coas que traballan os investigadores é que o detido, Manuel Fernández, sacase diñeiro da caixa forte da basílica compostelana antes do seu reconto para así non chamar a atención sobre as súas actuacións.
Nunha entrevista concedida á Televisión de Galicia e recollida por Europa Press, o xuíz da causa sinalou que esta é "unha das hipóteses posibles" que investiga a Policía quen, non obstante, aínda non determinou a orixe do diñeiro e mantén abertas "muchísimas" liñas.
Aínda que admitiu que os 1,7 millóns localizados en poder do detido, extraballador da Catedral de Santiago, poden parecer unha "cantidade sorprendente", instou a "ser moi prudentes", dado que os investigadores aínda non sacaron as súas "conclusións" sobre "a súa orixe" e traballan con "diferentes hipóteses".
"Non é a primeira vez que levo un asunto de desfalco e as cantidades son moi semellantes, cun traballo meticuloso non é tan imposible xuntar este diñeiro", sentenciou Vázquez Taín, ao tempo que recordou que a Catedral compostelana "non manexa só donativos", senón que "ten ingresos que veñen doutras actividades".
DÁBASE POR PERDIDO
Dende o inicio da investigación, Vázquez Taín destacou que os axentes seguiron "tódalas posibilidades" sobre a situación do Códice e que, mesmo, en "moitos momentos" se "deu por perdido".
"Non tiñamos unha idea fixa de onde podía estar", explicou o xuíz, quen eloxiou o traballo "minucioso, profesional, serio e calado" levado a cabo polos axentes da Brigada de Patrimonio. "En moitos momentos pensamos: poderemos chegar a saber quen é, pero non atopar o Códice".
Entre a "pluralidade de liñas de investigación" que se seguiron, Vázquez Taín recordou que tamén estaba o agora detido, aínda que rexeitou as críticas que apuntan a que, nun documento interno, un axente sinalaba o exelectricista como culpable uns días despois do roubo. "Por rumores non se pode adoptar unha limitación de dereitos, a xustiza ten que ser seria", indicou o xuíz, que ha recodado que o auto contra o implicado se asinou cando se tivo "a base xurídica" necesaria.
COLABORACIÓN DA IGREXA
A Igrexa como institución "estivo tan interesada como cabía esperar" na investigación e "colaborou en todo momento", destacou o xuíz.
Así mesmo, precisou que "nos primeiros días" houbo "unha colaboración mutua non no aspecto de instrución senón no de analizar as medidas técnicas de seguridade e facer os cambios necesarios para aumentar a seguridade na Catedral".
